|
Skrá 2010
Hanus 60 ára konsert í Klaksvík 21. august
Stór konsert verður í Badmintonhøllini í Klaksvík, har ið klaksvíkingar fara at heiðra Hanusi G. Johansen.
Aldubáran fer eisini at luttaka, umframt eina rúgvu av tónleikarum, ið hava arbeitt við Hanusi gjøgnum árini.
Fløguupptøkur við verkum eftir Sunleif Rasmussen
Aldubáran er júst nú í ferð við at spæla inn verk eftir Sunleif Rasmussen.
Talan er um smærri kamartónleikaverk.
Matias Seibæk og Andras Olsen hava tikið verk upp fyri slagverk og trombon Apparition/disparition.
 Sunleif Rasmussen lurtar
Anna E. Klett, Øssur Bæk, Andrea Heindriksdóttir, Sámal Petersen og Jóhannes Andreasen hava eisini innpælt verkini Dancing Raindrops og Mozaik.
Soloverk fyri gittara og klaver eru eisini við á fløguni. Tað eru Ólavur Jakobsen og Jóhannes Andreasen, ið hava innspælt hesi verkini.
Fløgan kemur út í næstum og fer meira at vera at lesa um hetta her á síðuni.
Les meira um Sunleif Rasmussen
TILTØK 2010 - 2005
Aldubáran luttók á fagnaðar-løtu í Norðurlandahúsinum fyri Hanus G. Johansen, ið fylti 60 ár 18. juni.
21. august verður stórfingin konsert í Klaksvík, har ið Aldubáran sjálvandi eisini luttekur.
• Várkonsert 2010 »
Árliga Várkonsertin, ið skuldi vera 23. apríl var flutt til 20. mai í Steinprent á Skálatrøð í Tórshavn. Á skránni var m.a. føroyskur og franskur tónleikur
Heystkonsert 2009
Stúgvandi fult var á konsertini í Listarhøllini á Skipasmiðjuni, har ið Aldubáran framførdi í samband við Heystframsýningina 2009. Hesuferð vóru 2 nýggj føroysk verk við.
Páll Sólstein hevði skrivað verk eftir yrking hjá Haldur Suna Johansen. Yrkingin nevnist VÓN og er tað eisini heitið á tónleikastykkinum. Páll framførdi sjálvur á horni og afturat sær hevði hann Ólav Olsen á trompet.
Páll Sólstein og Ólavur Olsen
Tónaskaldið Kári Bæk hevði, við íblástri úr málningum hjá Tórbirni Olsen, Frimod Joensen, Ingálvi av Reyni og S.J. Mikines, sett eina myndasýning í tónar.
Tað var gittarleikarin Ólavur Jakobsen, ið framførdi hetta verkið. Verkið er skrivað júst til hansara.
Ólavur Jakobsen
Sámal Petersen framførdi eldri verk eftir Kristian Blak og eisini framførdu Andrea Heindriksdóttir og Christina Andersen, verk eftir Dubois og Pessina fyri floytu og fagott.
Andrea Heindriksdóttir og Christina Andersen
Konsertin endaði við, at Páll og Ólavur O. framførdu eina útseting fyri horn og trompet av lagnum hjá Waagstein "Tíðin rennur sum streymur í á"
Stúgvandi fult var í Listarhøllini, ið er eitt framúr høli til smærri samansetingar og sololjóðføri.
Tónleikarar: Andrea Heindriksdóttir, floyta - Christina Andersen, fagott - Páll Sólstein, horn - Ólavur Olsen, trompet - Sámal Petersen, violin - Ólavur Jakobsen, gittar
Verk eftir: Kára Bæk, Kristian Blak, Páll Sólstein, Jógvan Waagstein, Paolo Pessina og Pierre Max Dubois.
Leygardagin 26. september 2009 LISTARHØLLIN á Skipasmiðjuni
skrá
Sunnudagur 28. juni 2009 Norðurlandahúsið
Aldubáran
Andrea Heindriksdóttir (floyta), Anna Klett (klarinett), Henrik Skotte-Larsen (obo), Christina
Andersen (fagott), Páll Sólstein (horn), Andras Olsen (trombon), Johan Hentze (trompet), Ólavur
Olsen (trompet), Jóhannes Andreasen (klaver), Leiðsla: Bernharður Wilkinson
Ensemble Bern Modern
Noëlle-Anne Darbellay (violin, rødd), Pierre-André Bovey (floyta), Olivier Darbellay (horn, natúrhorn)
Sunleif RASMUSSEN (f. 1961) FANFARE LONTANE (2009)
Jean-Luc DARBELLAY (f. 1946) SPECTRUM (1991) fyri natúr horn solo
Jean-Luc DARBELLAY INCIDENT ROOM (1999)for a reciting and singing violinist
Andras OLSEN (f. 1978) EINA NÝGGJA FERÐ (2009)
Alfred SCHWEIZER (f. 1941) 5 MINIATUREN UND REMINISZENZEN (1975) fyri blásarakvintett
Jürg WYTTENBACH (f. 1935) TROIS CHANSONS VIOLÉES (1973-1981) for a singing violinist
Hans Eugen FRISCHKNECHT (f. 1939) FANSOL SI (2003) fyri horn solo
Kristian BLAK (f. 1947) LE VENT DU NORD (2009)
Max E. KELLER (f. 1947) IL FILO (2009) fyri violin og horn
Hsueh-Yung SHEN (f. 1952 ) SERENADE FOR A NEW DAWN (2009)
Mánadagur 29. juni LISTASKÁLIN KL 20.00
Aldubáran
Andrea Heindriksdóttir (floyta), Anna Klett (klarinett), Henrik Skotte-Larsen (obo), Christina
Andersen (fagott), Páll Sólstein (horn), Andras Olsen (trombon), Johan Hentze (trompet), Ólavur
Olsen (trompet), Jóhannes Andreasen (klaver), Thomas Gooseman (klaver), Jón Festirstein (violin), Kirsten Riis-Jensen (violin), Angelika Nielsen (bratsj), Tóri Restorff (cello)
Tróndur BOGASON (f. 1976) LAIKA (2007) fyri tveir pianistar - eitt klaver
Tróndur BOGASON GLUE fyri 2 klarinettar, 2 violinar, cello
Tróndur BOGASON MUSIC FOR THE GALLOWS fyri 4 tin whistles
Tróndur BOGASON ALIENS (2007) fyri trombon og klaver
Tróndur BOGASON BABEL (2008) fyri slagverk
Tróndur BOGASON ASONATA (2008) fyri strúkikvartett
Øll skráin er her
Aldubáran á konsertferð til Sveits
Júst heimkomin úr Íslandi, har ið Aldubáran var við til at framføra operuna Í Óðamansgarði í Tjóðleikihúsi Íslands, fór bólkurin aftur av landinum. Hesaferð gekk leiðin til Sveits, har ið tvær konsertir vóru
Tónleikurin, ið varð framførdur, var fyri tað mesta føroyskur. Tó hevði Aldubáran, júst til hetta høvið, fingið amerikanska tónaskaldið Hsueh-Shen Yung at skriva verk.
Nýggjur føroyskur tónleikur eftir Kristian Blak og Andras Olsen varð eisini framførdur.
Sunleif Rasmussen hevði umskrivað verk, ið Suðurjyllands Symfoniorkestur framførdi fyrst á árinum. Eisini Tróndur Bogason var umboðaður á ferðini.
Skrá:
Sunleif Rasmussen (1961) Fanfare Lontana (2009) frumframførsla
Kristian Blak (1947) Le Vent du Nord (2009) frumframførsla
Andras Olsen (1978) Eina nýggja ferð – A new Travel (2009) frumframførsla
Tróndur Bogason (1976) Aliens (2007) for Posaune, Klavier and back stage Ensemble
Hsueh-Yung Shen (1952) Serenade for a new Dawn (2008) frumframførsla
Aldubáran:Andrea Heindriksdóttir, floytu - Anna E. Klett, klarinett - Christina Andersen, fagott -Malin Klingborg, obo - Páll Sólstein, horn - Andras Olsen, trombon - Ólavur Olsen og Johan Hentze, trompetir - Jóhannes Andreasen, klaver - Bernharður Wilkinson stjórnar.
Bernharður Wilkinson, Hsueh-Yung Shen og Aldubáran venja á Kongaligu Operuni í Keypmannahavn
Konsertir:
-
4. juni 2009 Heater am Gleis, Untere Vogelsangstr. 3, 8401 Winterthur
-
5. juni 2009 Französische Kirche, Le Cap, Predigergasse 1-3, Bern
Í Óðamansgarði á pall í Íslandi
Aldubáran var, sum vera mann, við í framførslu í Íslandi av operuni Í Óðamansgarði, ið føroyska tónaskaldið Sunleif Rasmussen skrivaði til 10 ára hátíðarhaldið hjá bólkinum.
Verkið varð framført í samstarvi við Tjóðpall Føroya og Íslendska Tjóðleikhúsið. Báðar framførslurnar vóru partur av Listarhátíð Íslands, ið mann metast at vera stórsta listatiltak íslendinga.
Framførslurnar vóru hesar:
Tónleikarar: Sámal Petersen, Jón Festirstein, violin - Angelika Nielsen, bratsj - Tóri Restorff Jacobsen, sello - Agnar Lamhauge, kontrabass - Andrea Heindriksdóttir, floytu, Ármann Helgason, klarinett, Eyðdis Franzdóttir, obo - Christina Andersen, fagott - Stefàn Jón Bernharðsson, horn - Johan Hentze, trompet - Andras Olsen, trombon - Jóhannes Andreasen, ljómborð - Ólavur Jakobsen, gittar - Mathias Seibæk, slagverk. Dirigentur: Bernharður Wilkinson
Manningin:
Ensemble Aldubáran, Bernharður Wilkinson, dirigentur
Tónaskald: Sunleif Rasmussen - Libretto: Dánial Hoydal - Leikstjóri: Ria Tórgarð - Koreograf: Lára Stefánsdóttir -
Sopran: Þóra Einarsdóttir
Tenor: Eyjólfur Eyjólfsson
Bass: Bjarni Thor Kristinsson
Sjónleikarar: Gunnvá Zachariasen and Hans Tórgarð
Listahátið Íslands - les meira
Tjodleikhús Íslands - les meira
Várkonsert 2009 í Listaskálanum
Afturvendandi Várkonsertin hjá Aldubáruni, var leygardagin 14. mars.
Hesuferð var manningin ein strúkikvartett.
Tónleikarar:
Sámal Petersen,1. violin - Jón Festirstein, 2. violin - Angelika Nielsen,bratsj - Tóri Restorff Jacobsen, sello
Tey framførdu strúkikvartettir eftir Kára Bæk (frumframførsla), Atla Petersen (2008) og Kristian Blak (2008).
Eisini vóru solostykki eftir Kristian Blak og duo eftir Kára Bæk á skránni.
Jólakonsert í Hoyvíkar kirkju
Leygardagin 20. desember 2008 var áhugaverd jólakonsert í Hoyvíkar kirkju. Tarira og Aldubáran framførdu eina fjølbroytta og forkunnuga skrá, samansett av klassiskum gullklumpum og nýkompositiónum.
Lagt varð fyri við vakra Ave Verum Corpus hjá Mozart, ið eisini var heitið á konsertini. Endað varð við In dulci jubilo hjá Dietrich Buxtehude. Miðskeiðis í konsertini framførdi Aldubáran eisini nakrar instrumentalsatsir av Johann Sebastian Bach.
Sunleif Rasmussen átti føroysku innsløgini á konsertini. Harumframt verða æviga populeru Thomas Tallis og Johann Sebastian Bach á skránni, eins og eysturríksku nútíðartónaskøldini Anton Heiller og Wolfram Wagner fáa stóra rúmd.
Aldubáru-tónleikarar:
Sámal Petersen, violin Jákup Lützen, violin Angelika Nielsen, Bratsj, Tóri Restorff, sello og Jóhannes Andreasen, kembalo
Sunleif Rasmussen stjornaði kórinum Tarira.
Heystkonsert 2009
Heystkonsertin er vorðin fastur táttur í virksemi bólksins. Konsertin verður hildin í samband við, at Heystframsýningin hjá Yrkislistarfólkunum letur upp.
Johan Hentze fer í samband við setanina av Framsýningini, at framføra styttri tónleikaverk.
Leygardagin 27. september: Heystframsýningin á Rundingi í Tórshavn
Leygardagin 27. september: Konsert í Leikalund í Klaksvík
Sunnudagin 28. september: Konsert í Norðurlandahúsinum
Á Rundingi er stóri grøni bygningurin á Tórshavnar Skipasmiðju. Konsertin varð, í samráð við fyrireikararnar av framsýningini, flutt til Norðurlandahúsið.
Í ár var tað Aldubáru Málmblásara Trio, ið framførdi á Heystkonsertini. Á konsertunum framførdi Aldubáru eitt sindur lættari tónleik, so sum Georg Gershwin og nakrar føroyskar sangir. M.a. útsetinger av løgum hjá Waagstein.
Sum vant, vóru frumframførslur á skránni. M.a. verk eftir Páll Sólstein.
Tónleikarar:
Johan Hentze, trompet - Páll Sólstein, horn - Andras Olsen, trombon
Verk eftir m.a. Páll Sólstein, Jógvan Waagstein, Atla K. Petersen og N.V. Bentzon.
Tróndur í Gøtu heiðraður
Aldubáran luttók í framførslu av verki hjá bretanum Gavin Bryars. Solistar vóru Eivør Pállsdóttir og Rúni Brattaberg. Kórið Eystanljóð luttók eisini.
Eivør Pállsdóttir, Gavin Bryars og Rúni Brattaberg
Tónleikarar:
Emily Fowler og Jón Festirstein violin - Mette Thykier og Magda Stevenson, bratsj - Katarina Bundgaard og Andreas Restorff, sello - Thomas Holmsgaard, kontrabass - Andrea Heindriksdóttir, flota - Anna E. Klett, klarinet - Christina Andersen, fagott - Páll Sólstein, horn - Ólavur Olsen, trompet - Andras Olsen og Dávur Juul Magnussen, trombon - Ólavur Jakobsen, gittar - Jóhannes Andreasen, klaver - Mathias Seibæk, slagverk
Les meira um tiltakið Les um Gavin Bryars
Summartónar 2008
Konsertirnar hjá Aldubáruni á Summartónum 2008 vóru hesar:
-
Hóskvøldið 3. juli Norðurlandahúsið
-
Fríggjakvøldið 4. juli Christians kirkjan í Klaksvík
-
Leygarkvøldið 5. juli Gjáargarður við Gjógv
-
Sunnudagin 6. juli Listasavnið á Sandi
-
Mánakvøldið 7. juli Kirkjan á Húsum
Frumframførd vórðu verk eftir suður afrikonsku tónaskøldini Cameron Harris, Fiona Tozer og L.T. Prince. Føroysk verk eftir Sunleif Rasmussen, Kristian Blak, Kári Bæk og Ólavur Larsen vóru á skránni, umframt tónleik eftir Gyorgi Ligeti og Enrique Crespo.
Tónleikarar:
Sámal Petersen og Emily Fowler, violin - Magda Stevenson, viola - Katarina Bundgaard, sello - Thomas Holmsgaard, kontrabass - Andrea Heindriksdóttir, floytu - Anna E. Klett, klarinet - Christina Andersen, fagott - Henrik Skotte-Larsen, obo - Páll Sólstein, horn - Johan Hentze, trompet - Andras Olsen og Dávur Juul Magnussen, trombon - Ólavur Jakobsen, gittar - Jóhannes Andreasen, klaver
Fullfíggjað skrá
Hátíðarhald í Norðurlandahúsinum
9. mai 2008 var stórt hátíðarhald. Norðurlandahúsið hevði 25-ára føðingardag og Aldubáran luttók í framførslu av verki hjá Kára Bæk. Talan var um kantatuna "Jørð" við teksti eftir Róa Paturssyni, ið varð frumframførd. Hetta verkið er fyri Sinfoniettu og kór. Kórið Tarira framførdi saman við Aldubáran Sinfonietta. Leiðari var Bernhardur Wilkinson.
Bernhardur Wilkinson
Harafturat framførdi Aldubáran saman við Hanusi G. Johansen. Á skránni hesuferð var lagið Ulvar, við teksti eftir Jakob Sande og Saknur, ið Poul F. Joensen yrkti. Løgini eigur Hanus bæði.
Krinvarpið sendi beinleiðis frá hesi konsert.
9. mai 2008 í Norðurlandahúsinum
Sí uppslag
Flaggdagshald í London
Aldubáran luttók á flaggdagshaldinum hjá Føroysku Sendistovuni í London 29. apríl 2008
|
 |
|
 |
|
|
|
Á móttøkuni, helt Landstýrismaðurin í Uttanríkismálum, Høgni Hoydal røðu, og Aldubáran framførdi m.a. útsetingar, ið Páll Sólstein hevði gjørt.
Fyrri partur av tiltakinum var bert fyri innbodnar gestir.
Seinni partur av tiltakinum var fyri almenninginum.
29. apríl kl. 18.00 í The Arts Club nærhendis Green Park í London |
Tónleikarar: Pàll Sólstein, horn - Johan Hentze, trompet - Andras Olsen, trombon
Tróndur Bogason debuterar
12. apríl 2008 hevði tónaskaldið Tróndur Bogason debutkonsert í Keypmannahavn. Henda konsertin var endaliga próvtøka hansara sum tónaskald á Kongaliga Danska Tónlistaskúlanum í Keypmannahavn.
Overgaden - Institut for Samtidskunst - Overgaden Neden Vandet 17 - DK-1414 København K
 Tróndur Bogason
Tónleikarar: Violin: Rune Sørensen og Monika Malmquist, Bratsj: Magda Stevenson, Sello: Bastian Schneider, Slagverk: Matias Seibæk og Andres Ramos, Klarinett: Anna Klett og Maria Garmark, Klaver: Jóhannes Andreasen og Thomas Gooseman, Trombon: Andras Olsen, Tin Whistle: Andras Olsen, Páll Sólstein, Matias Seibæk og Andres Ramos
Sí skrá Les meira um Tróndur Bogason
Skúlakonsertir kring landið
Í strembanini at koma í hvønn krók við góðum tónleiki og tónleikarum, framførdu limir í Aldubáruni 12 skúlakonsertir í februar. Ferðast varð víða um landið.
Framførd varð m.a. "Søgan um fagottina, ið fekk ilt í búkin", ið er tónaverk fyri ljóðføri og frásøgumann. Harafturat vóru onnur forvitnislig verk á skránni, umframt vanligir sangir, ið børnini kendu og sungu við til.
Tónleikarar: Páll Sólstein, Henrik Skotte Larsen, Christina Andersen, Anna E. Klett og Andrea Heindriksdóttir. Frásøgumaður: Andras Olsen
Sí myndir
Várkonsert 2008
Árliga várkonsertin hjá Aldubáruni var í ár í Múllers Pakkhúsi. Aftur í ár vóru nýggj føroysk verk frumframførd.
À skránni: frumframførslur eftir Atla Petersen, Andras Olsen, Ólavur Larsen og Páll Sólstein. Harafturat var verk eftir Kristian Blak á skránni.
Tónleikarar: Páll Sólstein, horn - Henrik Skotte Larsen, obo - Christina Andersen, fagott - Anna E. Klett, klarinett og Andrea Heindriksdóttir.
Mikudagin 20. februar 2008 í Múllers Pakkhúsi
Aldubáran á konsertferð í Eysturríki.
Aldubáran og Felagið Føroysk Tónaskøld fekk úr Eysturríki áheitan um samstarv frá tónaskaldafelagnum OEKB og frá tónlistaráhugafelagnum INOEK.
Avtalan bar í sær, at Aldubáran saman við nøkrum eysturríkskum tónleikarum, framførdi nógvan nýskrivaðan eysturríkskan tónleik á Summartónum í 2007. Í oktober 2007 fóru nakrir limir úr Aldubáruni á konsertferð til Eysturríkis.
Talan var um fýra konsertir, og tær vórða á hesum støðum:
5. oktober: Schoenberg-Zentrum (Wien) kl. 19.30 skrá
sum partur av "Internationalen Schönberg-Kongresses"
7. oktober: Haus der Komponisten (Wien) kl. 11.00 skrá
8. oktober: Universität für Musik und darstellende Kunst (Wien)
í Fanny-Hensel-Mendelssohn Salinum. kl. 15-17 Workshop - kl. 18.30 Konsert skrá
9. oktober: Stadtsaal (Zwettl) kl. 19.30 skrá
Tónleikararnir, ið vóru á hesa konsertferð: Ólavur Jakobsen, gittar - Anna Elisabeth Klett, klarinett- Andrea Heindriksdóttir, floyta - Øssur Bæk, violin - Jóhannes Andreasen, klaver
Á konsertunum framførdu tey nýskrivaðan eysturríkskan tónleik, nýggjari føroyskan tónleik og nøkur eldri klassisk verk eftir Beethoven, Lutoslawski og Sor.
Heystkonsert 2007
Heystframsýningin hjá listafólkunum var í ár er á trimum støðum; á Rundingi, í Norðurlandahúsinum og í Müllers Pakkúsi.
Aldubáran valdi tí at hava sína árligu heystkonsert í Müllers Pakkhúsi mikukvøldið 26 september
Tey framførdu tónleik, ið er skrivaður eftir 1950.
Fyrr í ár vóru tveir nýggir limir innlimaðir í Aldubáruna. Talan er um okkara ungu og evnaríku trompetleikarar Johan Hentze og Òlavur Olsen.
Stóra áhoyrarafjøldin fekk høvið at hoyra hesar báðar framføra. Afturat sær at framføra eina trompet-trio, høvdu teir fingið Heina Ragnarsson, ið er næmingur hjá Ólavi Olsen.
Johan Hentze framførdi eitt soloverk, og við hesum bjóðaði hann ein bita av tí, ein kann hoyra á hansara solokonsert í november, sum Konsertfelagið skipar fyri.
Fyri fyrstu ferð á Heystkonsertini vóru frumframførslur á skránni. Talan var um eina duo fyri tvær floytir av Sunleif Rasmussen. Andrea Heindriksdóttir og Bernharður Willkinson framførdu verkið Andalag. Verkið er í eini røð, ið Sunleif er í gongd við at skriva.
Tað sermerkta við hesum verkinum er, at tónleikarnir skulu standa so fjart frá hvørjum øðrum sum tilber, fyri síðani at nærkast, meðan verkið verður framført.
Eisini frumframførdu Heini Ragnarsson og Ólavur Olsen verkið During Dreams hjá Ólavi Olsen fyri trompet og euphonium.
Sámal Petersen framførdi soloverkið Afturundirgerð eftir Kára Bæk fyri violin.
Heystkonsertin varð hildin á fyrsta sinni í 2005. Konsertin varð sera væl fagnað. Nógv fólk lýddu á bæði fyrsta árið og í fjør.
Aftur hesuferð vóru nógvir áhoyrarar og ikki kann annað sigast, at hugnaligu hølini vóru gagnýtt á besta hátt til høvið.
Tónleikarar: Bernharður Wilkinson, Sámal Petersen, Andrea Heindriksdóttir, Johan Hentze og Ólavur Olsen. Getatónleikarar: Mia Káradóttir og Heini Ragnarsson.
Mikukvøldið 26. september: Müllers Pakkhús skrá
KODA/Gramex-tiltak
Konsert í samband við tiltak, ið KODA/Gramex skipaði fyri. Umframt verkstaðir og fyrilestrar var konsert.
Aldubáran framførdi tvey føroysk verk. Kæti fyri floytu og fagott eftir Kára Bæk og Á fríggjaraferð fyri violin og gittara eftir Atla Petersen. Harafturat framførdu tey samn við Hanus G. Johansen.
Tey vóru eisini boðin at framføra við kenda danska fólkasangaranum Sebastian. Atli Petersen hevði sett út vakra sangin "Sangen om den lille vind" fyri sang, floytu, fagott, violin og gittara. Sebastian valdi at enda konsert sína við hesi framførslu.
Onnur, ið eisini framførdu: Benjamin Petersen og United Voices
Tónleikarar: Andrea Heindriksdóttir, floyta - Christina Andersen, fagott - Sàmal Petersen, violin - Ólavur Jakobsen, gittar
16. august: Norðurlandahúsið
Yvirtøkan av Fólkakirkjuni
Í samband við at Kirkjan varð yvirtikin, var hátíðarhald í Norðurlandahúsinum Ólavssøkudag.
Umframt almennu handanina, røður og annað, var kórsangur og Kingoframførsla. Eisini limir úr Aldubáruni framførdu.
Á skránni hjá Aldubáruni vóru m.a. útsetingar av føroyskum løgum, gjørdar júst til høvið.
Eisini framførdu tey eina útseting fyri floytu og gittara hjá Ólavi Jakobsen av Paraphrasu fyri orgul eftir Jógvan Waagstein. Harafturat var ein samanseting hjá tónaskaldinum Kára Bæk av sálmaløgunum Min Sjæl og Ånd Opmuntre Dig, Harmur og gleði og Harra Guð, títt dýra navn og æra.
Tónleikarar: Andrea Heindriksdóttir, floyta - Ólavur Jakobsen, gittar
29. juli (Ólavssøkudag): Norðurlandahúsið
Nýggir limir
Aldubáran veksur alsamt.
Á árliga aðalfundinum í, varð avgjørt at bjóða tveimum nýggjum tónleikarum uppí bólkin.
Tveir av okkara bestu trompetleikarum, Ólavur Olsen og Johan Hentze, eru vorðnir fastir limir í Aldubáruni.
 
Ólavur Olsen Johan Hentze
Summartónar 2007
Aftur í ár, framførdi Aldubáran á árliga tónleikafagnaðinum Summartónum.
Talan verður hesuferð um 6 konsertir kring landið.
25. juni: Fríðrikskirkjan á Toftum
26. juni: Norðurlandahúsið
27. juni: Listasavn Føroya
28. juni: Norðurlandahúsið
29. juni: Roynhøllin (Hvalba)
30. juni: Gjógv (Gjáargarður)
Skráin var blandaður føroyskur og útlendskur tónleikur.
Summartónar og Aldubáran høvdu vitjan av eysturríkskum tónaskaldum og tónleikarum, og myndaði hetta samarbeiði skránna.
Skráin hjá Aldubáruni á Summartónum 2007
Konsertir við Hanus og Aldubárani
Í apríl vóru konsertir í Danmark og í Føroyum. Á Norðuratlantsbryggjuni í Keypmannahavn leygardagin 14. aprílog í Norðurlandahúsinum sunnudagin 15. apríl 2007
Á skránni var m.a. tónleikur av fløguni "frå leddiken", men eisini var okkurt við eftir Poul F. Joensen.
Tónleikarar: Andrea Heindriksdóttir, floyta - Annika Jessen, klarinet - Páll Sólstein, horn - Ólavur Olsen, trompet - Andras Olsen, trombon - Angelika Nielsen, violin - Tóri Restorff Jacobsen, sello - Ólavur Jakobsen, gittar - Arnold Ludvig, bass - Stamen Stanchev, klaver
Várkonsert 2007
Sunnudagin 4. mars 2007 kl. 16 var árliga várkonsertin hjá Aldubáruni í Listasavni Føroya.
Til hesa konsertina vóru tað teir tríggir Aldubárulimirnir Páll Sólstein, Jóhannes Andreasen og Sámal Petersen, ið framførdu nýggjan føroyskan og eldri klassiskan tónleik fyri klaver, violin og horn.
Á skránni hjá teimum var fyrst trioin “Sprongd strongd”, ið Atli K. Petersen skrivaði fyri nøkrum árum síðan. Síðan frumframførdu teir tvey nýskrivað verk. Eitt trísatsað verk við grønlendskum íblástri eftir Kristian Blak og verkið “Vetrarkvøld” eftir Andras Olsen.
Eftir ein steðg framførdu teir ta kendu horntrioina, opus 40, eftir Johannes Brahms.
Sum ungur hevði Brahms av og á spælt horn. Hetta kann væl hava verið orsøkin til at Brahms valdi at skriva eitt verk fyri ta serstøku manningina klaver, violin og horn eftir at móðir hansara var deyð. Verkið er skrivað í 1865, um sama mundið sum Ein deutsches Requiem.
Horntrioin eftir Brahms er tann fyrsta av sínum slag í tónlistarsøguni. Men eftir at ungverska tónaskaldið Gyorgy Ligeti (1923-2006) skrivaði eina víðagitna horntrio í 1982, hava fleiri nútíðartónaskald skrivað verk fyri hesa manning. Teirra millum sum nevnt Atli K Petersen, Kristian Blak og Andras Olsen.
Felagið Føroysk Tónaskøld og Aldubáran vóru fyriskiparar.
Skrá:
Atli K. Petersen: Sprongd strongd Kristian Blak: Nýtt verk (frumframførsla)
Andras Olsen: Vetrarkvøld (frumframførsla) Johannes Brahms: Trio, opus 40 (1865)
Nakrar myndir frá konsertini
Søgan um ein soldát
Í februar 2007 vóru framførslur við hesum leiki, ið er fyri sjónleikara og 8 tónleikarar. Týtt til føroyskt hevði Dánial Hoydal. Hans Tórgarð leikstjórnaði. Annfinnur Heinesen hevði leiklutin sum soldáturin.
Framførslurslur vóru í Posthúskjallaranum í Havn, skúlanum í Miðvági, Atlantis í Klaksvík, umframt skúlaframførslur kring landið.
Eisini varð leikurin framførdur 10. mars 2007 í Føroyahúsinum í Keypmannahavn.
Leikurin, ið Aldubáran og Tjóðpallur Føroya samstarvaðust um, varð sera væleydnaður. Skúlaframførslurnar og framførslurnar í Havn, á bygd og í Keypmannahavn, vóru óføra væl vitjaðar.
Ummælini vóru sera jalig.
Tónleikarar: Øssur Bæk, Ditlev Damkjær, Maria Garmark, Christine Andersen, Matias Seibæk, Ólavur Olsen og Andras Olsen.
Um eldri tiltøk, sí ensku síðuna Schedule
|
|
